- 0
- 6 words
| Transparency International байгууллагаас жил бүр гаргадаг Авлигын төсөөллийн индексийн 2025 оны тайланд Монгол Улсын индексийн оноо өмнөх оноосоо 2 нэгжээр буурч, 31 болсныг Транспэрэнси Интернэшнл-Монгол танилцууллаа. |
| Ингэснээр индекст багтсан 182 улс, нутаг дэвсгэрээс Монгол Улс 124 дүгээрт эрэмбэлэгдэж, өнгөрсөн онд 180 улсаас 114 дүгээрт эрэмбэлэгдэж байсантай харьцуулахад огцом доошилсон байна. Эрэмбэд Монгол Улс ижил 31 оноотой Беларусь, Жибути, Найжер, Турк, Узбекистан улсуудтай байр хуваажээ. |
| Сүүлийн арваад жилд тус индекст оноо, эрэмбээр доошлох чиг хандлагатай байсан Монгол Улс 2025 онд 31 оноогоор үнэлэгдсэн нь индексийн оноо тооцох аргачлал өөрчлөгдсөн 2012 оноос хойших хамгийн тааруу үзүүлэлт болж байна. Ерөнхийдөө 2018 оноос хойш авлигын үзүүлэлтээр тогтмол дордсон гарын арван хуруунд багтах улсууд байгаагийн нэг нь Монгол болжээ. |
| Харин дэлхийн хэмжээнд авлигын төсөөллийн индексийн дундаж өнгөрсөн онд 42 байсан нь мөн түүхэн доод үзүүлэлт болсон байна. Индексийн эрэмбийг байнга өнгөлдөг Дани, Финланд, Сингапур улсууд энэ онд мөн адил тэргүүлэгчид болсон бол Эстони (76), БНСУ (63) 2012 оноос хойш оноогоо хамгийн их сайжруулсан орнуудаар нэрлэгджээ. |
| Монголд авлигын эх үүсвэр болсон төрийн алба болон төрийн өмчит компаниудын шударга бус томилгоо, ТӨК-иудын компанийн засаглал хангалтгүй, хуулийн засаглалын хэрэгжилт дутмаг, олон нийтийн хяналт, ил тод байдлыг хангах эрх зүйн орчинг бий болгоогүй зэрэг байнга яригддаг асуудлууд дээрдээгүй хэвээр үлдсэн нь оноог хойш татахад нөлөөлжээ. Мөн бизнесийн орчин хүндэрч, итгэл суларсан нь бизнес эрхлэгчдээс авсан асуулгын шууд үр дүнгээс харагдсаныг Транспэрэнси Интернэшнл-Монгол онцолж байна. |
| Иймд улс төрийн намын санхүүжилтийг ил тод болгох, ТӨК-иудыг хувийн хэвшилтэй өрсөлдүүлэх байдлаар хөгжүүлдгийг засах, удирдлага томилогоог нь зөвхөн чадавхад суурилсан байдлаар явуулах, ашигт малтмалын тусгай зөвшөөрөл эзэмшигчдийн ашиглалт болон хөрөнгө оруулалтын гэрээг нээлттэй болгох зэрэг зайлшгүй шийдвэрлэх шаардлагатай чиглэлүүдийг нэрлэжээ. |
Author
Uvurkhangai.unn@gmail.com
Related Posts
Өвөрхангай аймгийн Татварын газрын хамт олон
Өвөрхангай аймгийн Татварын газрын хамт олон Спортын сэтгүүлч Г.Цэндийн бөөр шилжүүлэн суулгах мэс заслын хандивын аянд нэгдлээ
Read out all
“ХААН БАНК”-ТАЙ ХАМТРАН 500 МЯНГАН МОД ТАРИАЛНА
- 0
- 1 word
Өнөөдөр аймгийн Засаг дарга О.Пүрэвдорж, Байгаль орчны газрын дарга Т.Эрдэнэбаяр болон Хайрхандулаан, Тарагт сумын Засаг дарга нар Засгийн газрын хэрэгжүүлэгч агентлаг Ойн...
Read out all
Арвайхээр Цэцэрлэгжилт ОНӨААТҮГазар: Энэ жил 8 төрлийн цэцгийн үрсэлгээг хийлээ
Арвайхээр Цэцэрлэгжилт ОНӨААТҮГазар нийтийн эзэмшилийн талбайн мандлын цэцэг тарилтаа эхлэж байна. Энэ жил 8 төрлийн цэцэгийн үрсэлгээг хийлээ
Read out all
Өвөрхангай аймгийн Ахмадын хорооны хамт олон…
Өвөрхангай аймгийн Ахмадын хорооны хамт олон спортын сэтгүүлч Г.Цэндийн бөөр шилжүүлэн суулгах хагалгаанд зориулж 2.000.000 төгрөг хандивлалаа
Read out all
Арвайхээр сумын ЕБ-ын 4-р сургуулийн Төмөрдулам багштай 12а анги
- 0
- 2 words
Арвайхээр сумын ЕБ-ын 4-р сургуулийн Төмөрдулам багштай 12а анги, ангийнхаа нэрэмжит сагсан бөмбөгийн аварга шалгаруулах тэмцээн зохион байгуулснаар спортын сэтгүүлч Г.Цэнд ахынхаа...
Read out all