ШҮҮХИЙН ШИЙДВЭРИЙН БИЕЛЭЛТЭД ХЯНАЛТ ТАВИВ /Өвөрхангай аймгийн Байгаль орчны газар/

Нийтийн эрх ашгийг хамгаалах ажлын хүрээнд аймгийн Прокурорын газартай хамтарч 2025 оны 12 сард гаргасан нэхэмжлэлийн дагуу Арвайхээр суманд дулаан үйлдвэрлэгч усан халаалтын зуух ажиллуулдаг “Арвай-Илч” ХХК, “Өв-Илч” ХХК, “Хангамж Орд” ХХК, “Бага хайлантай” ХХК “Газрын улаач” ХХК, “Зэвсэгт хүчний 256-р анги”-д тус тус холбогдуулж зууханд утаа тортог шүүх шүүлтүүр, үнс баригч байрлуулах, нүүрс, үнснийг хадгалах битүүмжлэлтэй агуулах савтай болох, хашаа, хамгаалалтыг сайжруулж бүрэн бүтэн болгох, БОНБҮ, БОМТ-нд заасан үүргээ хэрэгжүүлэх үүрэг хүлээлгэх шүүхийн шийдвэр 2026 оны 1-2 дугаар сард гарч шийдвэрийг 2026 оны 09 дүгээр сарын 01-ний дотор хэрэгжүүлэхээр хариуцагч нарт даалгасан.

Өнөөдөр /2026.08.18/ байгаль орчны хяналтын улсын байцаагч нар хариуцагч дулаан үйлдвэрлэгч аж ахуй нэгж байгууллагуудын шүүхийн шийдвэрийг заасан хугацаанд биелүүлж байгаа эсэхэд хяналт тавив.

“Өв илч”ХХК нь халаалтын зуух БНХАУ-д захиалж, угсарах инженер техникийн ажилчид ирж байгаа, ЗДТГ-ын арын зуухны хашаа хамгаалалтыг сайжруулсан, үнс, нүүрс түр хадгалах агуулах барьж эхлээгүй, 48 айлын арын зууханд ямар нэгэн ажил энэ онд хийхгүй,

“Бага хайлантай”ХХК нь /60 айлын баруун/ хашаагаа сайжруулахаар блок хийж байгаа, зуухны орчимд ямар нэгэн ажил хийгдэж эхлээгүй, шинэ зуух захиалсан боловч ирээгүй хүлээгдэж байгаа.

“Арвай илч”ХХК нь /2-р сургуулын урд/ утааны шүүлтүүр захиалсан, шүүлтүүрний суурь, янданг өөрсдөө гагнаж хийх, үнс, нүүрс түр хадгалах агуулахын суурийг бетоноор цутгах ажил хийгдэж байна. БОЭТ-ийн арын зууханд ямар нэгэн ажил Энэ жилдээ хийхгүй,

“Газрын улаач”ХХК /36 айлын зүүн/ нь хашаагаа сайжруулахаар блок хийж хуучин банзан хашааг буулгаж байна. Захиалсан зуухыг суурилуулах инженер техникийн ажилчид маргааш ирж ажлаа эхэлнэ.

Зэвсэгт хүчний 256-р анги нь яндангаа аймгийн ЗДТГ-ын санхүүжилтээр өндөрлөсөн, хашаагаа блокоор барьж сайжруулсан, үнс түр хадгалах сав барихаар төлөвлөсөн, зуухаа солихоор хуучин зуухаа буулгах ажил тус тус хийгдэж байгаа,

“Хангамж орд”ХХК нь /5-р цэцэрлэг/ зуухаа солихоор хуучин зуухаа буулгаж байгаа, үнс, нүүрс хадгадах агуулах хийгдээгүй нөхцөл байдалтай байгаа талаар дулаан үйлдвэрлэгчдийн албаны хүмүүс тайлбар өгч байна