Автомашины нийт үнэд бус 360 саяас давсан хэсэгт 33 хувийн онцгой албан татвар тооцно

Гаалийн үнэ нь 360 сая төгрөгөөс давсан импортын автомашинд одоо мөрдөж буй онцгой албан татвар дээр нэмэлт татвар ногдуулах хуулийн нэмэлт наймдугаар сарын 10-ны өдрөөс хэрэгжиж эхэлснийг Гаалийн Ерөнхий Газраас мэдээллээ.

Ингэхдээ автомашины нийт үнэд бус 360 саяас давсан хэсэгт 33 хувийн онцгой албан татвар тооцох аж. Тухайлбал импортолсон суудлын автомашины гаалийн үнэ 500 сая төгрөг гэж үзвэл 360 сая төгрөгөөс давсан 140 сая төгрөгт онцгой албан татвар нэмж ногдуулна. Өөрөөр хэлбэл тухайн автомашинд 46.2 сая төгрөгийн татвар ногдох байдлаар тооцохыг ГЕГ тайлбарлалаа.

Энэ оны эхний долоон сарын байдлаар Монгол Улс 52,225 суудлын автомашин 607.4 сая ам доллароор импортолсон нь сүүлийн гурван жилийн хамгийн бага дүн болжээ. Зохицуулалтын орчинд оруулсан хэд хэдэн өөрчлөлт автомашины импорт буурахад нөлөөлж буй. Тухайлбал 2024 оны хоёрдугаар сард нийслэлд олгох тээврийн хэрэгслийн улсын бүртгэлийн дугаарын дээд хязгаарыг 730 мянга байхаар НИТХ-аас шийдвэрлэсэн юм.