ЦӨЛЖИЛТТЭЙ ТЭМЦЭХ ТУХАЙ КОНВЕНЦЫН ТАЛУУДЫН 17-Р БАГА ХУРЛЫН БЭЛТГЭЛ АЖЛЫН ХҮРЭЭНД БҮСЧИЛСЭН ЗӨВЛӨЛДӨХ УУЛЗАЛТ БОЛЖ БАЙНА

Уулзалтыг бүс нутгийн оролцогч талуудын дуу хоолойг бага хуралд тусгах, орон нутгийн сайн туршлагыг түгээн дэлгэрүүлэх, орон нутгийн оролцоог өргөжүүлэн бэхжүүлэх зорилгоор COP17 Үндэсний хорооны Ажлын алба, НҮБ-ын Олон улсын шилжилт хөдөлгөөний байгууллага (IOM), Монголын “Байгалийн өв сан” болон Байгаль зэрлэг амьтдын хамгаалах нийгэмлэг (WCS) хамтран зохион байгуулж байна.

Тус уулзалтад аймаг сумын байгаль орчин, хөдөө аж ахуй, эрүүл мэнд, цаг уур, мал эмнэлэг зэрэг холбогдох салбарын удирдлага, мэргэжилтнүүд, малчин, тариаланчдын төлөөлөл оролцож байгаа бөгөөд аймгийн Байгаль орчны газраас энэхүү уулзалтад “Таацын голын гольдорлын шулуутгал Таацын цагаан нууранд ус хуримтлуулах” талаар урьдчилсан төслийг танилцуулан, хэлэлцүүлж байна.

Зохион байгуулагчдын зүгээс Цөлжилттэй тэмцэх тухай НҮБ-ын конвенцын Талуудын 17 дугаар бага хурлын зохион байгуулалт, оролцож боломжийн талаарх мэдээлэл, монгол улсын цөлжилт, байгаль уур амьсгалын өөрчлөлтийн өнөөгийн нөхцөл байдал, тал хээрийн төлөвлөгөөний талаарх мэдээллүүдийг өгч, бүс нутгийн хөгжил, байгаль орчны тулгамдаж буй асуудал, шийдэл, сайн санаачилга, шилдэг шийдэл, туршлагын талаар болон хөрөнгө оруулалт, хамтын ажиллагааны боломжийн талаар багийн хэлэлцүүлгийг өрнүүлэх юм