Хиймэл оюуны технологид ашиглагддаг чип

Nvidia компани 3 их наяд ам.долларын зах зээлийн үнэлгээнд хүрсэн анхны чип үйлдвэрлэгч компани боллоо.

Хиймэл оюуны технологид ашиглагддаг чипийн эрэлт цойлсноор тус компанийн хувьцааны ханш он гарсаар 147 орчим хувиар өсөж, зах зээлийн үнэлгээ нь 1.8 их наяд ам.доллароор нэмэгдээд байна. Лхагва гарагийн арилжаагаар хувьцааны ханш нь дахин 5.2 хувиар өссөнөөр зах зээлийн үнэлгээ нь 3 их наяд ам.долларын босгыг давж, Apple компанийн үнэлгээг гүйцжээ.

Хамгийн сүүлд 2002 онд буюу анхны iPhone гарахаас таван жилийн өмнө л Nvidia компани Apple-аас өндөр үнэлгээтэй байсан юм. Тухайн үед хоёр компанийн үнэлгээ аль аль нь 10 тэрбум ам.доллар хүрээгүй байлаа.

Эх сурвалж: Bloomberg TV Mongolia