Jade Gas МОНГОЛЫН ГОВИОС БАЙГАЛИЙН ХИЙ ОЛБОРЛОХ ӨРӨМДӨЛГӨӨ ЭХЛҮҮЛЖ, ХУВЬЦАА НЬ 12% ӨСЛӨӨ

Монголд нүүрсний давхаргын метан хийн хайгуул хийж буй Jade Gas компани “Улаан нуур” талбайдаа үйлдвэрлэлийн цооногийн хөтөлбөрөө эхлүүлснээ зарлалаа.

Тодруулбал 1 км орчим урттай эхний дөрвөн цооногийн өрөмдлөгийг эхлүүлсэн бөгөөд 2024 оны эцэс гэхэд өрөмдлөгийг дуусгаж, ашиглалтад оруулахаар төлөвлөж байгаагаа компани онцолжээ.

Мэдээлэл гарсны дараа Австралийн хөрөнгийн биржид бүртгэлтэй Jade Gas компанийн хувьцааны ханш 12 хувиар огцом өссөн байна.

Компани ийнхүү үйлдвэрлэлийн цооногийн өрөмдлөгөө эхлүүлснээр цаашид арилжааны зорилгоор олборлолт явуулж, түлшний эрэлт өндөртэй өмнийн говийн бүсэд дизелийг орлох шингэрүүлсэн байгалийн хий нийлүүлэх боломжтой болохыг онцолжээ.

Эх сурвалж: Bloomberg TV Mongolia