ӨВӨРХАНГАЙ АЙМАГ БОГД СУМ

Уулзалт үргэлжилж, хийсэн ажлаа тайлагнан, шинээр хийгдэх ажлаа танилцуулсаар явна.

Сумын эрүүл мэндийн байгууллага автомашины дутагдалтайгаас алслагдсан сумдын иргэд эрүүл мэндийн тусламж үйлчилгээнд хамрагдахад хүндрэлтэй, бүсийн оношилгоо эмчилгээний төв оочир дараалал ихтэй, үйлчилгээ авахад хүндрэлтэй байгааг сумын иргэд ярьж байна. Мөн бага оврын галын машин гал сөнөөгчтэй болох хүсэлтэй байна, гэнэтийн осол, галын аюулыг хэлж мэдэхгүй шүү дээ. Эрсдэлийг тооцоолж, эрүүл, аюулгүй орчныг бүрдүүлэх нь юу юунаас чухал байгааг сумын иргэд сануулж, анхааруулж байна.

Ахмадын тэтгэврийн доод хэмжээг нэмэх жилийг наашлуулах, банкны батлан даалтыг болиулах, ахмадын өргөөтэй болох, тог цахилгааны хүчин чадал муу гэх мэт тулгамдаж буй олон асуудлын талаар ярилцаж санал солилцов. Асуудал байгаа бол шийдэл байдаг. Сонсоод өнгөрөх биш шийдэл гарцыг хайж, хамтран ажиллах нь чухал юм.

Хүрэлцэн ирэх болгонд халуун дотноор угтаж үнэ цэнтэй үгээ хэлж, сум орон нутгийнхаа ирээдүйд санаа тавьж саналаа хэлсэн та бүхэндээ талархаж байна.