ӨВӨРХАНГАЙ АЙМГИЙН 6 СУМ ТАРВАГАН ТАХЛЫН ИДЭВХИТЭЙ ГОЛОМТТОЙ

Өвөрхангай аймгийн байгалийн голомтыг 1982 оноос судалж эхэлсэн бөгөөд энэ хугацаанд нийт 4 цурав голомтонд тарваган тахлын 188 өсгөвөр илэрүүлж 860000 га талбай тарваган тахлын голомттой болохыг тогтоосон байна.
Нийт голомтот талбайн 38.9% нь буюу 336000 га талбай нь тахлын идэвхтэй бүс нутагт хамрагдаж жил дараалан тарваган тахлын өсгөвөр илэрч байна.
Хайрхандулаан, Арвайхээр, Уянга, Тарагт, Нарийнтээл, Зүүнбаян-Улаан сумд тарваган тахлын идэвхитэй голомттой.

ТАРВАГАН ТАХАЛ ӨВЧНӨӨС ХЭРХЭН СЭРГИЙЛЭХ ВЭ?
Нохойд бариулсан тарвага болон тарвага, зурамны үхсэн сэг, зэмтэй таарвал шууд харьцахгүй байх, яаралтай мэргэжлийн байгууллагад мэдээлэх
Тарвага, зурам агнахгүй байх, тарвага, зурамны арьс, мах худалдан авах, мах хоол хүнсэндээ хэрэглэхгүй байх
Тарвага, зурамны бөөс, бүүргэнд хазуулахаас сэргийлэх
Тарваган тахлын эсрэг вакцинд жил бүр хамрагдах
Тарваганы гаралтай түүхий эдийг эмчилгээний зорилгоор хэрэглэхгүй байх
Тарваган тахлын сэжигтэй болон өвчтэй хүнтэй цуг байсан тохиолдолд нэн тэргүүнд ойролцоо эмнэлгийн байгууллагад яаралтай хандахыг зөвлөж байна.