Өвөрхангай аймгаас 530 гаруй адуутай оролцлоо

“Дэлхийн адууны өдөр” арга хэмжээнд Өвөрхангай аймгаас 530 гаруй адуутай оролцлоо.
Ерөнхийлөгчийн санаачилгаар Их Монгол Улс байгуулагдсаны 820 жилийн ойд зориулж Хүй долоо худагт 12600 морьтон эртний монгол цэргийн зуутын зохион байгуулалтаар түмэн адууны ёслолын парад жагсав.
Өвөрхангай аймаг энэхүү ёслолын жагсаалыг манлайлж, Монгол улсын Ерөнхийлөгч тэргүүтэй жагсаалын араас Хүннүгийн морьтон дайчид, Угсаатны морьт жагсаалыг бүрдүүлэн оролцсон юм.
“Дэлхийн адууны өдөр”-өөр олон улсын хурдан морины цомын уралдаан, хүчит бөхийн барилдаан, адууны соёл, өв уламжлалыг сурталчилсан уралдаан, тэмцээн, урлаг, соёлын олон талт үйл ажиллагаа болж байгаа бөгөөд уралдаан, тэмцээнд аймгийн морьтон залуус оролцож байна.