Нөхөн сонгуулийн санал авах ажиллагаа 07:00-20:00 цагт зохион байгуулагдлаа

Өвөрхангай аймгийн хэмжээнд 7 сумын 19 хэсэгт аймаг, сумын иргэдийн Төлөөлөгчдийн Хурлын 2026 оны нөхөн сонгуулийн санал авах ажиллагаа 07:00-20:00 цагт хэвийн явагдаж, сонгогчдын нэрсийн жагсаалтад бичигдсэн 9601 сонгогч саналаа өгөхөөс 4691 сонгогч саналаа өгч, сонгуулийн ирц 50.0 хувьтай өндөрлөлөө.

Санал хураалтын дүнг тойргуудаар нь авч үзвэл:

Аймгийн иргэдийн Төлөөлөгчдийн Хурлын нөхөн сонгуулийн ирцийн мэдээ:

5 дугаар тойрог (Арвайхээр сум, 5 дугаар баг) 2692 сонгогч саналаа өгөхөөс 1017 сонгогч саналаа өгч 39.4 хувь;

24 дүгээр тойрог (Есөнзүйл сум) 1723 сонгогч саналаа өгөхөөс 854 сонгогч саналаа өгч 50.4 хувь;

30 дугаар тойрог (Төгрөг сум) 1677 сонгогч саналаа өгөхөөс 1001 сонгогч саналаа өгч 60.3 хувь;

34 дүгээр тойрог (Хайрхандулаан сум) 2204 сонгогч саналаа өгөхөөс 1051 сонгогч саналаа өгч 48.6 хувьтай байв.

Сумын иргэдийн Төлөөлөгчдийн Хурлын нөхөн сонгуулийн ирцийн мэдээ:

Баянгол сумын 2 дугаар тойрог (2 дугаар баг, Эргэндэнж) 378 сонгогч саналаа өгөхөөс 205 сонгогч саналаа өгч 55.1 хувь;

Нарийнтээл сумын 1 дүгээр тойрог (1 дүгээр баг, Шарга) 369 сонгогч саналаа өгөхөөс 220 сонгогч саналаа өгч 60.6 хувь;

Зүүнбаян-Улаан сумын 1 дүгээр тойрог (1 дүгээр баг, Эмгэд) 558 сонгогч саналаа өгөхөөс 343 сонгогч саналаа өгч 61.9 хувьтай өндөрлөв