Завхан аймгийн ажлын хэсэг Арвайхээр хотын сайн туршлагыг судаллаа

Завхан аймгийн Улиастай хотын Засаг даргын орлогч Б.Батлхагваар ахлуулсан ажлын хэсэг Арвайхээр хотын бүтээн байгуулалт, хөрөнгө оруулалт, хөгжил төлөвлөлт болон ИТХ, ЗДТГ-ын үйл ажиллагаатай танилцаж байна.

Уулзалтын эхэнд ИТХ-ын дарга Ц.Төмөрбаатар, Засаг дарга Б.Ганбат нар сум орон нутгийн түүх соёл, өв уламжлал, хөрөнгө оруулалт, бүтээн байгуулалт, үйл ажиллагааны тухай танилцууллаа. Мөн ажлын хэсгийн бүрэлдэхүүн сумын ИТХ, ЗДТГ, багийн ажлын алба, орон нутгийн өмчит аж ахуйн тооцоот үйлдвэрийн газар, хамтарсан багийн үйл ажиллагаатай танилцаж, туршлага судлав.