“ДҮДҮ МАШИН” аймгийн аварга шалгаруулах тэмцээн боллоо

“ДҮДҮ МАШИН” аймгийн аварга шалгаруулах тэмцээний “НОГООН АНГИЛАЛ” буюу 11-13 насны хүүхдүүдийн бүтээлийн уралдаан амжилттай болж, шилдгүүдээ тодрууллаа.

Тус ангилалд:

 I байранд Арвайхээр сумын 5 дугаар сургуулийн сурагч О.Очирбатын бүтээл

 II байранд Арвайхээр сумын Тэмүүлэл-Эрдэм сургуулийн сурагч Л.Анарын бүтээл

 III байранд Арвайхээр сумын “Тэмүүлэл-Эрдэм” сургуулийн сурагч Д.Төгөлдөрийн бүтээл

 IV байранд Арвайхээр сумын Тэмүүлэл-Эрдэм сургуулийн сурагч Э.Элбэгдүүрэнгийн бүтээл тус тус шалгарлаа.

Эхний хоёр байранд шалгарсан сурагчид улсын аварга шалгаруулах тэмцээнд оролцох эрх авч, Улаанбаатар хотын Найрамдал зусланд 2 өдрийн бэлтгэлд хамрагдах юм.

Улсын уралдаанд явах зардлыг Хүүхэд, гэр бүлийн хөгжил, хамгааллын газраас санхүүжүүлнэ.

Энэхүү тэмцээний зорилго нь ерөнхий боловсролын сургуулийн сурагчдад математик, инженерчлэлийн суурь мэдлэг олгох, техник сэтгэлгээг хөгжүүлэх, ирээдүйн шинийг санаачлагч, бүтээгчдийг дэмжихэд оршино.

Хүүхдүүд өөрсдийн гараар машин бүтээх явцдаа:
-асуудал шийдвэрлэх
-багаар ажиллах
-бүтээлчээр сэтгэх
зэрэг чухал ур чадваруудыг эзэмших юм.

Улсын аварга шалгаруулах тэмцээн: 2026 оны 05 дугаар сарын 08-нд Улаанбаатар хот, Найрамдал цогцолборт болно.

Эх сурвалж: Өвөрхангай аймгийн Хүүхэд, Гэр бүлийн хөгжил, хамгааллын газар