“Арвайн хүрээ” цэцэрлэгт хүрээлэн байгуулагдана

Дэлгэрэх гол төсөл болон Арвайхээр хотын 300 жилийн ойд зориулан бүтээн байгуулах  “Арвайн хүрээ” цэцэрлэгт хүрээлэнг бий болгохоор өнгөрөгч онд сумын ИТХ-аар батлуулсан.

Энэхүү цэцэрлэгт хүрээлэнгийн тохижилтын зураг төслийг “Барт хүрээ” ТББ-аас боловсруулж холбогдох албаныханд хүлээлгэн өглөө.

Дэлгэрэх голын эхэнд байгуулагдах цэцэрлэгт хүрээлэнгийн энэхүү зураг төсөвт арвайн хүрээний соёлын музей, урлан, хиймэл цөөрөм, кофешоп, задгай театр, амралт зугаалгын элементүүд багтсан байна.

Арвайн хүрээний соёлыг шингээсэн, иргэдийн байгалийн сайханд амарч зугаалах, бясалгах, түүхийн дурсгалуудтай танилцах зэрэг боломжийг бүрдүүлэх нь цэцэрлэгт хүрээлэнгийн онцлог юм.