Samsung-ийн зурагтнууд киног шууд орчуулж, жүжигчний нэрийг олж өгдөг болно.

Samsung Electronics компани хиймэл оюунт бүтээгдэхүүнийхээ цар хүрээг өргөжүүлж, өндөр зэрэглэлийн зурагтны загварууддаа Vision AI брэнд нэрийн дор цогц сайжруулалтууд нэвтрүүлэхээр болсон байна.

Компанийн хиймэл оюунт процессороор тоноглогдсон зурагтнууд нь дэлгэцээр гарч буй дүрсний талаар цахим орчинд хайлт хийдэг болох тул үзэгчид телевизээр гарч буй жүжигчний нэр, бүтээгдэхүүний мэдээлэл зэргийг хялбархан олох боломжтой аж.

Түүнчлэн кино, нэвтрүүлэгт шууд орчуулга хийх, хэрэглэгчид тусгайлан зориулсан контент олох, дүрсний өнгө тодруулах, дуугаралт сайжруулалт гэх мэт олон шинэлэг функцтэй байхыг Samsung компани Лас Вегас хотод болж буй CES арга хэмжээний үеэр танилцуулжээ.

Эх сурвалж: Bloomberg TV Mongolia