Дэлхийн 80 гаруй орноор мотоцикльтэй аялсан Нидерланд бүсгүй Норали: Монголын чанаргүй бензин

“Монголын чанаргүй бензин” Иргэн: Дэлхийн 80 гаруй орноор мотоцикльтэй аялсан Нидерланд бүсгүй Норали (youtube дээр 3,3 сая дагагчтай) Монголд ирээд бензинийх нь чанарыг мэдрээд үгээ хэлж байна. Увсын Улаангом дахь “Петровис”-ын салбараас бензинээ дүүргээд хээрийн замд давхиж байтал мотоцикль нь хааз авахгүй хүч алдаад, доголдоод, сүүлдээ бүр унтарчихав.

Норали:

Монголчууд бензиндээ юу хольж зараад байдаг юм бол? Монголын бензин бусад улсынхаас шал өөр, нэг л муухай өмхий үнэртэй байх юм. Мотоциклийг маань үнэхээр зовоож гүйцлээ. Бензиний чанараас болж байгаа нь илт байна” хэмээн бухимдав. Тэгээд арайхийн салгалж явсаар суурин газар бараадав. Одоо 6 дахь мотоциклоо элээж буй туршлагатай жолооч Норали доголдлыг нь буруу оношлоогүй байх. Үнэндээ бүх юм нь чанар муу, стандартын бус, дэлхийн шившиг болж байна. Өнөөдрийн мотор доголдох, тачигнах, бензин зарцуулалт ихсэх, бохирдол ихтэй байгаа, чек асаад унтардаггүй, яндан бөглөрч угаалгах, яндан мэдрэгч байнга сольдог гэх мэт асуудлууд энэ чанар муутай бензинтэй шууд холбоотой юм.