ҮЕРТ ӨРТСӨН АРВАЙХЭЭР СУМЫН ГУРВАН ӨРХӨД ГЭР ОЛГОЛОО

Наймдугаар сарын нэгний өдөр орсон аадар борооны улмаас Арвайхээр суманд үер бууж айл өрх, орон сууцны В1 давхар усанд автсан.

 Аймгийн Онцгой комисс шуурхай хуралдаж үерийн усанд автсан хэсэгт ариутгал халдваргүйтгэл хийх, гэр оронгүй болсон өрхүүдэд гэр олгох асуудлыг шийдвэрлэсэн юм.

Шийдвэрийн дагуу үерийн усанд гэрээ алдсан Арвайхээр сумын 9,12 дугаар багийн гурван өрхөд гэр олголоо. Түүнчлэн үерийн усанд өртсөн айл өрх, орон сууцуудад ариутгал халдваргүйтгэл хийх ажлыг үе шаттайгаар зохион байгуулан ажиллаж байна.