2024 оны УИХ-ын сонгуулийн сурталчилгааны өдрүүдэд UNN.mn сайт, UNN.mn цахим сувгаар нэвтрүүлсэн сурталчилгааны материалын тайланг иргэдэд танилцуулж байна

УИХ-ын сонгуулийн сурталчилгааны өдрүүд 2024 оны 06 дугаар сарын 10-ны өдрөөс 2024 оны 06 дугаар сарын 26-ны өдрийг дуустал хугацаанд үргэлжилсэн бөгөөд UNN.mn  видео сайт нь 5 нам, 1 эвсэл, 7 нэр дэвшигч, 1 бие даан нэр дэвшигчид хамтран ажиллах хүсэлт өгснөөс 3 нам, 1 эвсэл, 1 нэр дэвшигчтэй  хамтран ажиллажээ. 

Сонгуулийн сурталчилгааны өдрүүдэд UNN.mn сайт, UNN.mn цахим хуудсанд давхардсан тоогоор 191 контент, бичвэр нийтлэгдсэн. Үүнээс UNN.mn сайтад 22 контент байршуулжээ. Сайтад байршуулсан дээрх мэдээнээс 19 нь “Монгол Ардын Нам”-аас нэр дэвшсэн 9 нэр дэвшигчийн сурталчилгааны материал бол 3 нь “Ардчилсан нам”-аас нэр дэвшигч П.Мөнхтулгын хамтран ажиллах гэрээний хүрээнд цацагдсан мэдээ байна.

Мөн UNN.mn цахим хуудсанд 169 богино хэмжээний контент нийтлэгдсэн. Дээрх контентын 135 нь “Монгол ардын нам”-аас нэр дэвшсэн 9 нэр дэвшигчийн материал, 30 нь “Ардчилсан нам”-аас нэр дэвшигч П.Мөнхтулгын сонгуулийн сурталчилгааны материал, 3 нь “Ардчилсан нам”-ын сонгуулийн сурталчилгааны материал, 1 нь “Үндэсний эвсэл”-ийн сонгуулийн сурталчилгааны материал нийтлэгджээ.

Мөн манай редакц нь сонгогчдод боловсрол олгох зорилгоор Өвөрхангай аймгийн сонгуулийн хороотой хамтран ажиллаж 11 контент нэвтрүүлсний 3-ийг нь бэлтгэн нийлүүлж, 8 бэлэн контент цацаж олон нийтэд түгээн ажиллажээ.