Малын цэцэг өвчнөөр 7617 толгой мал өвчлөөд байна

2024 оны 03 дугаар сарын 06-ны байдлаар аймгийн хэмжээнд 11 сумын 21 голомтод 242 өрхийн 7671 толгой мал цэцэг өвчнөөр өвчлөөд байна.

Малын цэцэг өвчнийг бууруулах, голомтыг хумих зорилгоор Аймгийн Засаг даргын “Хөрөнгө зарцуулах тухай”, “Хорио цээрийн дэглэм тогтоох тухай” захирамжуудыг эрчимжүүлэхээр “Албан даалгавар” гарган ажиллаж байна.

Тарагт, Зүүнбаян-Улаан, Сант, Хайрхандулаан, Баян-Өндөр, Богд, Нарийнтээл зэрэг 7 сумын 12 голомтод 411 толгой хонь цэцэг өвчний шинж тэмдэгтэй, хорио цээртэй байгаа юм.

Төгрөг, Өлзийт, Баянгол, Гучин-Ус сумдын 9 голомтод өвчний тархалт зогссон тул хязгаарлалтын дэглэмд шилжсэн.

Хорио цээр, хязгаарлалтын дэглэмд хөдөлгөөнт эргүүлээр удирдах ажилтан 37, онцгой 2, малын эмч 33, туслах ажилтан 36 нийт 108 хүн, 30 техник хэрэгсэлтэй ажиллаж байна.

Өвчний тархалтын хүрээг тогтоох зорилгоор 14 сумын 959 өрхийн 384000 хонийг вакцинжуулсан бөгөөд халдварт өвчлөлийн найман голомтын дэглэм бууруулсан.

Халдварт өвчинд өртөөгүй байгаа эрүүл малыг хамгаалах зорилгоор 457000 тун вакцин татан авах хүсэлтийг Мал эмнэлгийн ерөнхий газарт хүргүүлээд байна.