Сүүлийн гурван жилд 524 өрх “Малжуулах хөтөлбөр”-т хамрагджээ

Аймгийн Хөдөлмөр халамжийн үйлчилгээний газраас энэ онд “Малжуулах хөтөлбөр”-ийн хүрээнд 19 сумын 214 малчныг нутгийн онцлогт тохирсон малаар малжуулжээ. Хөтөлбөрт хамрагдсан малчдын дунд сургалт, зөвлөгөөн зохион байгуулж, улсын аварга малчдын туршлагаас судлууллаа.Мөн өөрсдийн болоод малынхаа эрүүл мэндийг хэрхэн хамгаалах, түүнчлэн малчдад хувь хүний хөгжил, гэр бүлийн үнэ цэнийг агуулсан сургалтыг мэргэжлийн байгууллагынхан хүргэсэн юм.Аймгийн хэмжээнд сүүлийн зургаан жилд 524 өрхийг 2 тэрбум 620 сая төгрөгөөр малжуулаад байна. Малжуулах хөтөлбөрт хамрагдсан малчдаас “Аймгийн аварга малчин” гурав төржээ.

Өвөрхангай аймгийн хөдөлмөрийн насны иргэдийн 50 гаруй хувь нь мал аж ахуйн салбарт ажиллаж, аймгийнхаа дотоодын нийт бүтээгдэхүүний 60 гаруй хувийг бүрдүүлж байна. Мал маллаж, ашиг шимийг нь хүртэж амьдрах сонирхолтой ч цөөн тооны малтай, малжих хүсэлтэй иргэд олон байгаа учраас аймгаас дээрх өрхийг дэмжиж, чанартай малтай болоход нь бодлогын түвшинд анхаарна гэдгийг зөвлөгөөний үеэр Хүнс, хөдөө аж ахуйн газрын дарга онцолсон юм.