Дэлхийн хаанаас ч гар утсаараа 5G сүлжээнд холбогдох, дуудлага хийх, том файл дамжуулах, видео дуудлага хийх боломжтой болох нь

Барселонад зохион байгуулагдаж буй Mobile World Congress 2026-д SpaceX-н Ерөнхийлөгч Гвин Шотвелл болон Starlink-н Инженерчлэлийн дэд ерөнхийлөгч Майкл Николс нар илтгэл тавьж, Starlink Mobile-н II үе (V2)-ийг нэвтрүүлэхээ мэдэгджээ.

Тодруулбал, SpaceX Starlink-н гар утасны сүлжээ Starlink Mobile-н хамрах хүрээг тэлж, энэ оны эцэс гэхэд сарын идэвхтэй хэрэглэгчдийн тоог одоогийнхоос 2.5 дахин их буюу 25 сая болгох зорилт тавьсан байна.

Өдгөө Starlink Mobile-г хэрэглэгчид Starlink-н дэлхий даяарх 650 хиймэл дагуулын сүлжээ хүрэх газарт ашиглаж байгаа бол тус сүлжээний II үе нэвтэрснээр хэрэглэгчид алслагдсан бүс, далайн гүн, уулын оргил тэргүүтэй дэлхийн хаанаас ч гар утсаараа 5G сүлжээнд холбогдох, дуудлага хийх, том файл дамжуулах, видео дуудлага хийх боломжтой болох нь.

Гэхдээ хиймэл дагуулын сүлжээ нэг бүс нутгийг хамардаг ч нэг дор олон хүн холбогдсон үед өгөгдөл дамжуулах хүчин чадал хязгаарлагдмал байдаг тул суурин операторуудтай хараахан өрсөлдөж чадахгүй юм.